Hoërskool Secunda se groentjiekonsert laat mens terugverlang na eenvoudiger tye

Blikkies (Henry Coetzee) en Trompie (Divan Albrecht ) kruip in die boomhuis weg nadat hulle amok op die skoolterrein gesaai het.

SECUNDA – Min dinge voel soveel soos hoërskool soos die musikale mengelmoes en deurmekaar danspassies van ’n groentjiekonsert.

Hoërskool Secunda se nuwe gr. 8 leerders, of Knolle soos hulle by dié skool bekendstaan, het verlede Donderdag- en Vrydagaand ouers en onderwysers vermaak met ’n moderne oorvertelling van Trompie en Saartjie se skoolkaskanades.

Die konsert, Jou huis is waar jou hart is, het al die bekende eienskappe van ’n lekker saamsing skoolkonsert gehad met treffers soos “Thunderstruck” van ACDC, “Any Man of Mine” van Shania Twain en “Hier kom die Bokke” van Leon Schuster.

Die leerders het duidelik die opvoering geniet en daar was baie energie en opgewonde glimlagte op die verhoog.

Saartjie en haar vriendinne laat Trompie en sy makkers se harte vinniger klop en die onskuldige eerste liefde wat blom tussen Rooies en Anna, het beslis die ouers en onderwysers wat kom kyk het, laat terugverlang na eenvoudiger tye.

Die seuns kom in die moeilikheid nadat hulle by ’n geveg met Gawie betrokke raak, wat ook flikkers gooi in Saartjie se rigting, en moet dan vlug sodat hul ouers nie geskakel word nie.

Hulle kruip weg in ’n boomhuis en besluit om eerder permanent weg te hardloop.

Met oorlewingsmiddels wat hulle bymekaar maak, wat onder andere ’n ou koerant, ’n appelstronk en twee dae oue Marmite-broodjies insluit, besef hulle gou-gou dat hulle nie vêr gaan kom nie.

Saartjie, Anna en Nina kom tot hul redding met ’n houer toebroodjies en die seuns se soektog na ’n nuwe huis begin.

Middelburg, Trichardt en Evander word gemeet en te lig gevind en uiteindelik besef die viermanskap dat daar net een plek vir hulle is.

Hulle vind hul pad terug na Secunda en besef mens kan nie weghardloop van jou probleme af nie.

Die Knolle van 2017 het voorwaar hul harte uitgedans en dié konsert het gewys dat daar baie van vanjaar se gr. 8-leerders verwag kan word.

  AUTHOR
Willemien Aukema
Journalist

find your
dream home

looking for an
affordable
apartment

List your Property

It's easy in only three
simple steps...

find professional
services in
your area

Locate a business
operating in
your area

List your Business

Want more customers? They're online right now, searching for businesses like yours. Place your ad now...

Latest News

COMMENTS

Top
Next Story x
Hoërskool Secunda leerders vir die Suid-Afrikaanse Bokkies-rugbyspanne gekies

Thanx for your referral. We have no doubt your friends will love our newsletter as much as you!

Don't forget to verify your email.

to our FREE newsletter
SUBSCRIBE to our FREE newsletter.




SELECT your titles:

Highvelder
RidgeTimes
Standerton Advertiser


Your details:


Your friends:

I didn't sign up for this
I'd like to see and read more... (Please indicate in comments section below)
I'm relocating (Please indicate where to)
Other