Caitlin skenk haar lang hare vir Kansa

Me. Nadia Swiegers van Kansa en Caitlin Richards (7). Caitlin het al op die ouderdom van vyf besluit dat sy haar hare vir Kansa wil skenk. Hier hou sy die duk poniestert vas wat sy onlangs laat afsny het.

Caitlin Richards (7) droom reeds van die ouderdom van vyf daarvan om haar hare aan Kansa te skenk.

“Ek wil graag hê dat ander kinders en volwassenes hul hare moet skenk.

“Dit help mense met kanker en gee hulle hoop.”

Haar tannie het kanker gehad en is in 2016 dood.

Terwyl sy en haar ma deur foto-albums geblaai het, het sy oor haar tannie begin uitvra.

Caitlin wou weet waarom haar tannie nie hare in die foto’s het nie.

Haar ma het verduidelik dat dit weens die medisyne is wat sy moes gebruik.

Me. Vernise Richards het ook vir Caitlin vertel dat almal nie sonder hare wil rondloop nie en daarom maak hulle pruike van ander mense se hare.

Van daardie dag af wou Caitlin haar hare laat groei om dit te skenk.

Caitlin is nou sewe jaar oud en haar hare was lank genoeg om dit af te sny en te skenk.

“Ek het my mamma ook gevra dat sy haar hare moet laat groei tot dit lank genoeg is.

“Ek gaan my hare ook weer laat groei en wanneer ons hare lank genoeg is, gaan ons dit skenk.”

Hare moet 20cm en langer wees voordat dit gebruik kan word.

Wanneer jy jou hare wil afsny om te skenk, moet dit in ’n ponie bo die haarrekkie afgesny word en dan ook aan die onderkant van die ponie vasgemaak word.

 

Vir meer nuus besoek gerus ons ander webblaaie. Standerton Advertiser & Highvelder

“Like”’ ons op Facebook en volg ons op Twitter en Instagram.

Me. Nadia Swiegers van Kansa en Caitlin Richards (7). Caitlin het al op die ouderdom van vyf besluit dat sy haar hare vir Kansa wil skenk. Hier hou sy die duk poniestert vas wat sy onlangs laat afsny het.

  AUTHOR
San-Marié Cronjé
Journalist

Latest News

COMMENTS

Top
Recommended Story x
Hou jou eie teetyd ten bate van Kansa se Cuppa