Worpe-afrigter van Secunda wil Springbokatlete brei

Mnr. Frik Stander by een van sy steratlete, Henru van Vuuren. Hulle werk al vir nege jaar aan Henru se spiesgooitegnieke en mik vir die 2020 Olimpiese Spele. Henru het op skool in die Vrystaat twee keer per week na Secunda gereis vir afrigting. Nou studeer hy aan UJ en pendel die twee gereeld tussen Johannesburg en Secunda.

Mnr. Frik Stander (61), ‘n worpe-afrigter van Secunda, het in sy 33 jaar van afrigting verskeie Springbokatlete opgelewer.

Hy het in 1976 vir die Vrystaat in die 0.19-spiesgooi deelgeneem en was gereken onder die top agt spiesgooiers in die land. Hy het tydens sy weermagopleiding vir die SA-weermagspan deelgeneem.

Mnr. Stander het in 1987 vir die laaste keer as senior aan die Suid-Afrikaanse kampioenskap deelgeneem.

“Ek sou baie graag in daardie tyd op internasionale vlak wou deelneem, maar weens sanksies was dit my nie beskore nie.”

Dit was ‘n dekade later toe hy as meestersatleet vir die eerste keer internasionaal deelgeneem het. Hy is toe as Afrika-kampioen in spiesgooi gekroon en hy het verskeie kere aan wêreldkampioenskappe en Wêreldspele deelgeneem.

Sy hoogtepunt was die tweede plek uit ‘n totaal van 49 spiesgooiers wêreldwyd wat hy in 2009 op die Wêreldspele in Sydney, Australië, verower het.

“Dit was vir my besonders, want toe het ek die kans gehad om teen die ander wat destyds wêreldkampioene was, deel te neem.”

Mnr. Stander is ook die Afrika-kampioen in vyfkamp wat spiesgooi, gewigstoot, skyfwerp, 200m-naellope en ‘n 1 500m-wedloop insluit.

Hy beplan om weer te begin deelneem. Sy afrigting het baie tyd in beslag geneem, maar omdat hy nou afgetree het, is daar meer tyd beskikbaar om te oefen. Hy rig tans verskeie plaaslike atlete af, maar ook heelwat Vrystaatse atlete waaruit verskeie kampioene opgelewer is.

In die laaste vyf jaar het hy vier Springbokatlete opgelewer, soos Mandie Venter van Guateng-Noord wat as ‘n 16-jarige atleet die spies oor die 50m gegooi het, en Hernu van Vuuren van die Vrystaat wat nou aan die Universiteit van Johannesburg studeer.

Mnr. Stander rig dié steratleet vir die laaste nege jaar af. As 19-jarige atleet het hy die spies 74.86m gegooi en was onder die top drie in die wêreld. Hernu is nou 20 jaar oud en sy beste afstand vir 2018 is tans 76m.

As 0/17-atleet het Hernu die spies 79.04m ver gegooi.

Leandri Lamprecht van Secunda wat in 2016 die Afrika-kampioenskap in Angola gewen het, is ook een van mnr. Stander se atlete. Sy het as 17-jarige die spies oor die 50m gegooi. Volgens mnr. Stander is daar min meisies wat ‘n spies meer as 50m kan gooi.

Lees ook: Leandri Lamprecht mik hoog

Dié afgetrede GAR-bestuurder by Sasol Steenkool reis nou elke Maandag na Bethlehem in die Vrystaat waar hy sowat 20 atlete afrig.

Mnr. Stander is bereid om onderwysers met spiesgooi te help om die regte grondslag te lê, omdat dit ‘n baie tegniese item is.

Sy oefenprogram laat nie toe dat sy atlete elke dag gooi nie. Hulle moet onder meer kragwerk, plofkrag, ritme en spoedwerk doen. As die regte tegniek van die begin af geleer word, beperk dit die kans vir beserings.

 

  AUTHOR
Arisja Misselhorn

Latest News

COMMENTS

Top
Next Story x
Second passenger in Corsa that collided with taxi near Brendan Village on 3 May, succumbs to injuries

Thanks for your referral. We have no doubt your friends will love our newsletter as much as you!

Don't forget to verify your email.

to our FREE newsletter
SUBSCRIBE to our FREE newsletter.




SELECT your titles:

Highvelder
RidgeTimes
Standerton Advertiser


Get regular news updates sent directly to your inbox.

Your source of local breaking news and trending stories from across the country.

Be a part of our growing community

1MILFacebook Fans
98KTwitter Followers
5MILMonthly Readers
12MILArticles Published Every Month
72Local Community Websites

SUBSCRIBE to our FREE newsletter

SELECT your titles:

Highvelder
RidgeTimes
Standerton Advertiser

Get regular news updates sent directly to you inbox.

Your source of local breaking news and trending stories from across the country.

Be a part of our growing community

Subscribe Here
1MILFacebook Fans
98KTwitter Followers
5MILMonthly Readers
12MILArticles Published Every Month
72Local Community Websites
Your details:


Your friends: