Skole word herhaaldelik deur diewe geteiken

Diewe het verlede maand by twee plaaslike skole ingebreek.

Jim van Tonderskool het op 24 Maart onder diewe deurgeloop en Bethal Independent Primary School twee weke vantevore.

Die polisie het verneem dat daar by Jim van Tonderskool ingebreek is nadat die persoon wat die gebou gesluit en die alarm geaktiveer het, die volgende oggend gevind het dat iemand die perseel se deure oopgebreek het.

Die administratiewe geboue van dié skole was in albei gevalle die teikens en soortgelyke items is gesteel.

“Die polisie vra die gemeenskap om nie gesteelde goedere te koop nie en om mense wat gesteelde goedere verkoop, dadelik by die polisie te aan te meld,” het konst. Thomas Mogadime, polisiewoordvoerder, gesê.

Die saak word nog ondersoek en die polisie vra dat mense met inligting wat tot die inhegtenisneming van die diewe kan lei, hulle sal skakel by 017 647 9929/30.

  AUTHOR
Carmen de Lange
Journalist

Latest News

COMMENTS

Top
Recommended Story x
Gholfdag ten bate van AC Kerk